قصة حب داخل الحرم الجامعي

ينجح الطفل في الباك ويروح لفاك يبقي حاير يتبدل عليه الجو اول حاجة يخمم فيها قبل القراية لازمتني وحدة نفوت معاها الوقت وزيد نبان بيها في الجامعة يخير وحدة تكزن زينة ويبدا يتخيل ويحلم ...بعد شهرين يهدر معاها اول كلمة يقولهالها ماعليش اختي 2 دقايق من وقتك هيا تفرح في داخلها وتلعبها عليه محترمة وماتنجمش تحكي مع الاولاد اللي ماتعرفهمش بصح تتبسم باش تخليه ديما لاصق اليوم التاني يجيها ويقولها اسمعيني برك هيا تسمع يقلها والله ماعمرتلي وحدة عيني في الجامعة من غيرك ومن اللي شفتك وانا نحلم بيك وزيد تعجبيني خاصة عينيك وضحكتك وزيد اني ناويك للحلال هيا تقلو نخمم وهيا راهي قابلة من قبل مايجيها وتبدا الحكاية .....يتاصل بيها في الليل ويحكي بصوت خافت وهيا من الفرحة تقلو كوبي خويا راهو دخل للدار وتبعثلو ميساج والله راني بديت نحبك ونتوحشك وهو اسكتو برك يقلها راكي انتي الهوا اللي نتنفسو ويجيبوها يتلاقاو في الجامعة عامعهم الاول .......................................العام الثاني يبداو يكرهو شوي من لاروتين يقتارح عليها يتلاقاو في بلاصة برا الجامعة هيا تخمم شوي ومن بعد تقبل وهو يقلها لازم ديري فيا الكونفيونس هيا تقولو كون ماجيتش مدايرة فيك الكونفيونس مانخرجش معاك المرة الاولة صلون دو تي ولا بيتزيريا ومن بعد اكم علابلكم الحاجة الللي خميتو فيها هاديك هي صرات وصرات وتعاودت ................... الطفل بدا يكره والطفلة حباتو من قلبها وتحتمت تبقا معاه ومانجمتش تحكي لدارهم ولا صحباتها هو معادش يعيك وكي يعيطلها يحكي بالصماتة ......العام الثالث يبداو المشاكل هو يدير في القوالب وهيا مسكينة تحبو من قلبها وماتنجمش تبعد عليه والفاتو تسمع بلي راهو يخرج مع بنات اخرين وماتقلوش تخاف يخليها وهوا نشرها في الجامعة ويقلهم اي تحبني وانا ماعلاباليش فيها وراي دارت معايا هك وهك ويبقي يعيطلها كي يحتاجها برك وهيا مازالت مدايرة الامل ...........العام الرابع عام التخرج هيا تخمم في الزواج وهو يخمم كيفاه يفوتها ويشوف وحدة صغيرة ومتربية يبدا معاها من جديد هيا بدات تكره من الكدب نتاعو وفي اخر العام تقلو دورك تخرجنا لازم تجي لدارنا ولا تبعث ماما تمد عليا الكلمة هو يقلها اصبري مازال شوي عندي مشاكل مانيش منضم لازم ندرس القضية المهم يقولب وخلاص وفي ليلة من ليللي الصيف يعيطلها ولا يبعث ميساج انسايني ومانحبكش تزيدي تهدري معايا راني ساي كرهتك وغلبت منك وتبقي هيا تحوس علي السبب اللي كرها في جرتو وماتلقاهش وتبقي تعيطلو وهو يكوبي وتبعثلو مع صحباتها اكم تعرفو كيفاه وفي هاد الوقت كامل خونا راهو يبني في حياتو وهيا راهي تحوس علي السبة اللي عليها فاتها وماتنساوش بلي الطفلة ماتنجمش تزوج واحد اخر لانو اكم علابلكم بلا مانقول ..........هنا كملت حكاية ختنا هادي وخونا ويبدي موسم جامعي اخر وحكاية اخري وتبقي تتعاود يختالفو التفاصيل بصح ديما الضحية باينة

مدو رايكم

والله كايينة منها مي اللي الطفلة لازم تحافظ على روحها وما تسناش حى يجي واحد يخافضلها عليها واللي عود ولد ناس او ما يديرش حاجة كيما هكدا.مرسي على الموضوع

و الله نستعرف بيك خوبا امين و الله هاذا هو الواقع و الحكايات اللي صاريين في الجامعة
و دايما الطفلة اللي ظحية نورمالمون تحافظ على روحها و على مبداها
راني متشوقة للجزء الثاني

ان شاء الله راح يكون جزء تاني وثالث كشما يفوتوه في رمضان

شكرا اخى بارك الله فيك
قصص من واقع
ضرك نشوفلك مخرج مليح
وديروها مسلسل يحطم مسلسلات نتاع ترك